Gorfeynta “Hal aan tabayey”
Mareegta Farshaxan July 2009.

Hadduu geed engago xaabadaa lagu idlaystaaye
Mid yar oo iniintiisa ah baa soo awaal baxa’e
Isagaa anfaaciga hadhkiyo oodda kaafiya’e

Dadkana odaygu goortuu ka baxo iyo islaantiisu
Ubadkooda hadha baa tabcoo aayatiin hela’e
Aadan iyo Xaawiyo markii kaynta la abuuray
Sidaasay arwaaxdiyo dhirtuba ku isirraayeene

Ummaddaan shabaabkeedu hanan waw ayaan xumo’e
Inammiyo hablahaba waxaad tihiin aarankii kacaye
Itaal gabe dadkiinii horoo waydun aragtaanee
Idinkaa ammaanada xilkii eegga qaabillaye
Iskiin wax u qabsada nolosha waw udub dhexaadkiiye

Israafkiyo fadhigu waa waxaad ku ambanaysaane
Axmaqnimo wakhtiga kaaga tegey oohin kugu reebye
Ayaantii ku dhaaftaana waa waxaan la eegayne

Xulka erayada lagu suntay buuggu kaalin weyn buu ka qaataa ku hirashada akhrinta buugaagta. Magaca “Hal aan Tabayey” wuxuu markaaba akhristaha ku dhiirigalinayaa inuu is waydiiyo hal-kan mudan ee qoruhu tabayo, kadibna akhriyo buugga si uu u helo warcelinta waydiintaa. Buuggani wuxuu muujinayaa inuu qoruhu si xeeldheer ugu kuur galay xogta sooyaalka taarrikheed ee abwaanka halgamaaga ahaa ee Xaaji Aadan Afqalooc(Ihun).

Waax qorey Musafa Aden Nuur,
manmustafa@gmail.com

Ninka loo gol leeyahay, isagaa is-garan kara
sida goosan weer helay, igu gaabi tuurtuur
igu gado sir iyo caad, halkaad gaadho taagtaa

Aniguna il-galaclaha, is-gamaarintaydiyo
gadh-salaaxa maahdiyo, gama´aan hurdo ahayn
goroddaan lalminayaa, gabbashiyo ma aha quus
gar-naqsaan ku jeedaa, talaan gawda ku hayaa…

Gabadh madow -Hadraawi

Labaatan sanno ku dhowaad waxaa ummadda soomaaliyeed meel kasta oo ay joogto ku dhacay bur-bur baahsan oo aan u aabbo yeelin dad iyo duunyo. Haddii duunyadii baabba’day dib loo dhaqay, dadku miyaanay u baahnayn in dib loo dhiso? Burburka dhacay laftiisu miyuu ahaa mid lagu hoobtay oo lagu waayay waxkasta oo nolosha looga baahnaa ?. Maxaa la waayay labaatan sanno ka hor, maxaase aan hore loo haysan oo la helay labaatan sanno kadib?.

Naadiga akhristayaasha ee halkaraan waxa ay kugu martiqaadayaan Buuggii Shanaad ee bisha oo ah DIIWAANKA QOSOLKA. Waxa qorey Jamaal Cali Xuseen waxana soo bandhigaya FARDUUS SICIID DIRIR & Maxamed Cabdillaahi Diiriye (Bulshaawi).

Goobta: Barwaaqo Hotel
Maalinta: Jimcaha ah ee sabtidu soo gelayso.
Waqtiga: 6:30 pm - Taariikhda: 03/07/2009

Halkaraan Reader’s Club
Burco Togdheer
E-mail: halkaraanreadersclub@gmail.com

Waxa qorey Mustafa Aaden Nuur

Naadiga Akhrisatayaasha Hargeysa oo u dhisan dhiiri gelinta akhriska iyo qoraalka, isla markaa bishiiba mar soo bandhiga buuggaag ama barnaamijyo kala duwan, waxa uu bishan soo diyaariyay xaflad uu ugu talo galay in loogu dabaaldego maalintii calankii ugu horreeyey laga taagay ciid Soomaali leedahay. Maalintaasi oo ku beegnayd 49sanno ka hor maanta oo kale 1960-kii 26-kii Juun.

Xafladdan oo dad aad u fara badani ka soo qayb galeen, waxaa madasha hoggaaminayay habeenkan oo marti looga ahaa aqoontooda suugaaneed iyo waayo arragnimoba, aqoonyahanka iyo qoraaga wayn ee Boobe Yuusuf Ducaale, iyo abwaanka da’da yar haddana da’da wayn ee Yuusuf Cabdulle Cismaan “Shaacir”.

Waxa dadwaynaha sharafta leh ee ku nool guud ahaan waddanka Somaliland gaar ahaanna Magaalada Hargaysa iyo nawaaxigeeda la ogaysiinayaa in lagu qaban doono Hotel maansuur xaflad lagu daah furayo Ururka Hal-Abuurka Somaliland.

xafladdan oo ay kuugu diyaar yihiin badiba Abwaanada reer Somaliland. Hadday yihiin Abwaanadii waawaynaa ee caanka ahaa iyo hadday yihiin abwaanada da'da dhexe ee ku soo biiray suugaanta iyo hadday yihiin abwaannada cusub ee hadda madaxa la kacayba.

Waa xaflad suugaanneed waana xaflad taariikhi ah. Waxaanu kugu martiqaadaynaa inaad ka soo qayb gasho ood nala qaybsato wanaageeda.

Goobtu waa Maansuur hotel Hargaysa
Taariikhdu waa 10ka bisha july 2009
Saacaddu waa 7da fiidnimo ilaa inta ay inoo dhammaanayso

Wixii faahfaahin ah kala soo xidhiidh Hawl wadeenada Xafladda Ururka Hal-abuurka Somaliland 4428604, 4438841.4476274

Waxa qortey Sahra Kiin Cabdiraxmaan Axmed

"Gari laba nin kama wada qosliso haddana waa innagii uune macanihii waa lixdeennii gobol ee Somaliland," waxa ay ahaayeen hadalladii ka soo yeedhay qaar ka mid ah dadweynihii ka soo qaybgalay madasha oo markii munaasibaddu dhammaatay ee la sii dareereyey igu soo duulduulayey. Yaa salaam! waqti waliba waayihii, madal walba sidii la iskugu soo duba ridee, waxay ahayd habeen qaali u ah Nabadda, dhalinyarada iyo waliba inta qalinka jecel waa habeenkii Khamiistii waxa ka dhacay Xarunta Jaamacada Qaranka ee Hargeysa munaasibad si aad u balaadhan looga soo shaqeeyey oo lagu soo gabogabeynayey is reereebkii tartankii gebayadda gobollada Somaliland taas oo madasha ay isku arkeen lixdii qof ee kaalmaha koowaad u galay gobol kasta oo ka mida ah lixda gobol ee Somaliland.

Munaasibaddan oo si fiican loo soo cammiray ayaa waxa ka soo qaybgalay dadweyne aad u tiro badan oo ka kala yimid xaafadaha kala duwan ee magaalada, ardayda jaamacadaha, dadweyne ka kala yimid gobollada tartamayey madax ka socotay xukuummada iyo waliba aqoonyaahanno iyo haldoorka Somaliland qaar ka mid ah.

PRESS RELEASE

Progressio (UK) and REDSEA-ONLINE.COM (Somaliland) release a new jointly published Somali book ‘War and Peace: an anthology of Somali literature’ edited by Rashiid Sheekh Cabdillaahi, with English translation by Martin Orwin.

Read full text:
Press Release html: http://www.prlog.org/10264070-new-somali-book-war-and-peace-an-anthology-of-somali-literature-with-english-translation.html

Press release PDF: http://www.prlog.org/10264070-new-somali-book-war-and-peace-an-anthology-of-somali-literature-with-english-translation.pdf

War and Peace: an anthology of Somali literature /
Suugaanta Nabadda iyo Colaadda
Edited by Rashiid Sheekh Cabdillaahi (Gadhwayne),
ISBN: 978-1-85287-329-5 / 978-88-88934-09-9,
Progressio / Ponte Invisibile Ed.,
London, 2009. Soft cover, 218 pp. 25,00USD,
Now available online.