Baratan qarameedka Sheeko iyo Shaahid, sidii sannadkii ka horreeyey oo kaleba, waxa uu ka ahaa qayb laxaad leh dhacdadaas. Buuggan Sheeko iyo Shaahid – Labaad waa ururin sheekooyin gaagaaban oo uu isku dubbaridey Jaamac Muuse Jaamac, sheekooyinkaas oo ay sal u yihiin kuwii ku guulaystay baratankii sannadkan 2009.

Waxa kaalinta kowaad ku guulaystay sheekada “Mahadho” ee uu qorey Maxamed Ismaaciil Jaamac, halka ay kaalinta labaad heshay sheekada “Maaggane rag iyo muuqdheer haween” oo ay qortey Hoodo-Ayaan Suldaan Aadan; kaalinta saddexaadna waxa si barbar dhac ah u wada helay sheekooyinka “Mahadhadii Miiggane” iyo “Filanwaa” oo ay kala qoreen Cabdirisaaq Maxamed Muuse iyo Khaalid Jaamac Qodax sida ay u kala horreeyaan. Sidii sannadkii hore kale, waxa wax lagu farxo ah in qoraayadan mustaqbalka ee soo baxay ay dhammaantood u tahay markii kowaad ee ay qoraal ay qoreen kusoo baxo buug ahaan.

Order it now